რატომ უნდა დავიცვათ დიეტა სწორედ სავსე მთვარესა და ახალ მთვარეზე? იმიტომ, რომ ამ დღეებში ატმოსფერული წნევა და წყლის მოძრაობა იცვლება.
სავსე მთვარის დროს წყალი უჯრედშორისი სივრციდან უჯრედებში "მიდის", ხოლო ახალ მთვარეზე საპირისპირო პროცესი ხდება: წყალი უჯრედებიდან ქსოვილისკენ გადაინაცვლებს. ეს თავისებურება შეგვიძლია ჩვენს სასიკეთოდ გამოვიყენოთ. წყლის გადაადგილების პროცესი გავაძლიეროთ, პერიოდულად დავიცვათ დიეტა, ორგანიზმი გავასუფთავოთ და ცხიმების დანაწილებასა და ტოქსინების გამოყოფას ხელი შევუწყოთ.
დიეტა სავსე მთვარეზე სითხის მოხმარებას ეყრდნობა. მისი მიზანია უჯრედშორისი სივრციდან წყალი გამოდევნოს და იქ დაგროვების საშუალება არ მისცეს.
დიეტა ახალ მთვარეზე სითხისა და ბოსტნეულის მოხმარებას ეფუძნება. ორგანიზმიდან ჭარბი წყალი და შლაკი გამოჰყავს, ამასთან, ცხიმების დანაწილება-გახლეჩის პროცესებს ასტიმულირებს.
მთვარის ამ ორი დიეტიდან ამოირჩიეთ ის, რომელიც ყველაზე მეტად გამოგადგებათ.
წონაში ვიკლებთ სავსე მთვარეზე
24 საათი. ეს დიეტა სავსე მთვარის წინა დღეს, ვახშმის შემდეგ იწყება და 24 საათს გრძელდება. მენიუში რჩება მხოლოდ სითხე. შეგიძლიათ დალიოთ უბრალო წყალი მინერალური, წყაროს, ანადუღარი, ასევე დასაშვებია ახალგამოწურული წვენები, რომლებსაც წყლის მსგავსად შარდმდენი ეფექტი აქვს. ხილის წვენი ბუნებრივი შაქრებით, ვიტამინებითა და მიკროელემენტებით ამარაგებს. არც ის არის ცუდი, თუ 24 საათის განმალვობაში მხოლოდ უბრალო წყალს დალევთ. ის უამრავ მკვებავ ნივთიერებას შეიცავს.
შედეგი: წონაში დაიკლებთ 250 გრამიდან 1 კილოგრამამდე. ორგანიზმი გასუფთავდება და შეშუპებაც გაქრება.
6 დღე. შიმშილობამდე სამი დღით ადრე და ორი დღის შემდეგ (სულ 6 დღე, შიმშილობის დღეც შედის) ბოსტნეულით სამკურნალო კვების კურსი ჩაიტარეთ. პირველ დღეს მხოლოდ უმი და მოხარშული ბოსტნეული ჭამეთ. მომდევნო ორ დღეში და ასევე შიმშილობის დღის შემდგომ ორ დღეში მხოლოდ ანანასითა და სოკოთი იკვებეთ (დღეში ოთხჯერ უნდა ჭამოთ). ანანასს შარდმდენი ეფექტი აქვს და ნაწლავების მიერ ცხიმების ათვისებას აბრკოლებს. სოკო დაბალკალორიულია, მხოლოდ ცილის კალორიებისაგან შედგება, რაც შესანიშნავად კვებავს კუნთებს. ყურადღება: ასეთი დიეტა არ უნდა გაგრძელდეს ექვს დღეზე დიდხანს. შეგიძლიათ სამ დღემდეც შეამციროთ. მაგალითად, ერთი დღე უმი და მოხარშული ბოსტნეული ჭამეთ, მეორე დღეს იშიმშილეთ, მესამე დღეს ანასის ან სოკოს დიეტა დაიცავით.
შედეგი: ეფექტურად ასუფთავებს ორგანიზმს. წონის დაკლება 1-3 კგ. დამოკიდებულია დიეტის ხანგრძლივობაზე.
გახდომა ახალ მთვარეზე
36 საათი. ეს დიეტა ახალი მთვარის წინადღეს, 18 საათზე იწყება და ახალი მთვარის შემდეგი დღის დილის 6-7 საათამდე გრძელდება. მენიუში შედის ბოსტნეულის წვნიანები და ბოსტნეულის ბულიონები არჩევით (შეიძლება ერთიც და მეორეც), 4-5-ჯერ დღეში. ბოსტნეულის ბულიონები მნიშვნელოვანია შარდმდენი შემადგენლობით, მაგრამ ერთფეროვნებას თავი რომ აარიდოთ, შეგიძლიათ დღეში ერთხელ ფრინველის, ხორცის ან თევზის ბულიონი მიირთვათ; ისინი ორგანიზმს მინერალური ნივთიერებებით მოამარაგებს. წონაზე ეფექტური მოქმედებისათვის უმჯობესია მხოლოდ ბოსტნეულის ბულიონებით შემოიფარგლოთ.
შედეგი: ორგანიზმის ინტენსიური გარეცხვა და წონაში დაახლოებით 500 გრამით დაკლება, ხოლო, თუ მხოლოდ ბოსტნეულის ბულიონებს გამოიყენებთ, მაშინ 1 კილოგრამს დაიკლებთ.
6 დღე. 3 დღე ახალ მთვარემდე და ორი შემდეგ, მხოლოდ უმი ან მოხარშული ბოსტნეულით უნდა იკვებოთ. დიეტა 6 დღეზე დიდხანს არ უნდა გაგრძელდეს (შეგიძლიათ სამ დღემდე შეამციროთ).
შედეგი: წონაში დაკლება 1-3 კგ. დამოკიდებულია დიეტის ხანგრძლივობაზე.
წყარო: etanews.ge
მთვარე გახდომაში დაგეხმარებათ - ორი უნიკალური დიეტა ფაზების მიხედვით
⏱️ 1 წთ.
👁️ 3 589
100%