გამოიყენეთ ყველაზე ეფექტური და მარტივი სახის ნიღბები - რჩევები ქალბატონებს



გთხოვთ ყურადღებით გაეცნოთ ჩვენს მიერ წარმოდგენილ მასალას, სადაც ყველაზე ეფექტურ და ამავე დროს ყველაზე მარტივად მოსამზადებელ ნიღბებზე მოგითხრობთ. ეს კოსმეტიკური პროცედურები შეგიძლიათ სახლის პირობებში ჩაიტაროთ, რადგან არ საჭიროებს განსაკუთრებულ გარემოსა და მომზადებას.

გამონაყარისა და შავი წერტილების სამკურნალოდ ყველაზე ეფექტურ საშუალებათა შორის პირველ ადგილზე კვერცხის ცილის ნიღაბია. მის მოსამზადებლად დიდი დრო არ არის საჭირო, სამაგიეროდ კოსმეტოლოგიური პროცედურის მსგავსი ეფექტი აქვს. მოაცილეთ კვერცხის ცილა გულს, ათქვიფეთ ერთგვაროვანი ქაფის მიღებამდე, თანაბრად გაინაწილეთ სახეზე და გაიჩერეთ 20 წუთი.

მეორე ადგილზე დგას სოდა, რომელიც კანს ყოველგვარი ჭუჭყისგან ათავისუფლებს. ნიღბის მოსამზადებლად საჭიროა სოდას ცოტაოდენი წყალი დავუმატოთ. მიღებული მასა დაიდეთ სახეზე 10-15 წუთის განმავლობაში და შემდეგ ცივი წყლით ჩამოიბანეთ. ამ პროცედურის ჩატარება ხშირად არ არის რეკომენდებული, რადგან ის ძალიან აშრობს კანს.

გამოიყენეთ ყველაზე ეფექტური და მარტივი სახის ნიღბები - რჩევები ქალბატონებს


მესამე ადგილს ლიმნის ნიღაბი იკავებს, რომელიც ძლიერი გამწმენდი და მათეთრებელი ბუნებრივი საშუალებაა. გამოყენებამდე ლინმის წვენს შეურიეთ მცირეოდენი წყალი და კვირაში 2-3 დღე სახე ამ ნაყენით დაიბანეთ.

მეოთხე ადგილზეა ნიღაბი ცხიმიანი კანისთვის, რომელიც ამავდროულად შესანიშნავად წმენდს სახეს შავი წერტილებისგან. ამ ნიღბის მოსამზადებლად საჭიროა 1 ცალი საშუალო ზომის ვაშლი და 0,5 ჩ/კ თაფლი, რომელიც უნდა გაალღოთ. გახეხეთ ვაშლი კანთან ერთად და შეურიეთ თაფლი, მიღებული მასა თანაბრად გაინაწილეთ სახეზე 10 წუთის განმავლობაში, ბოლოს ჩამოიბანეთ თბილი წყლით.

გამოიყენეთ ყველაზე ეფექტური და მარტივი სახის ნიღბები - რჩევები ქალბატონებს


მომდევნო პოზიციას თხევადი თაფლის ნიღაბი იკავებს, რომელიც ანტისეპტიკური საშუალებაა. გაიჩერეთ სახეზე 10-15 წუთის განმავლობაში და თბილი წყლით ჩამოიბანეთ. შეგიძლიათ თაფლს ცოტა მარილი, ლიმონი და კეფირი შეურიოთ, მიღებული მასა სახიდან 10 წუთის შემდეგ მოიშორეთ.

ბრწყინვალე გამწმენდი საშუალებაა ხაჭო. ის ეფექტურად აშორებს კანიდან შავ წერტილებს. ამისთვის დაგჭირდებათ ცოტაოდენი ხაჭო, რომელსაც დაუმატებთ პილპილს და დაიდებთ სქელ ფენად სახეზე. 5 წუთის შემდეგ ჩამოიბანეთ თბილი წყლით და წაისვით დამატენიანებელი საშუალება.

წყარო: eva.ge
































ტექსტის სანახავად გაიარეთ რეგისტრაცია.