რაც შეეხება დიეტას, მათთვის შემუშავებული იქნა სპეციალური ცილოვანი დიეტა, რომელიც 13 დღეზეა გათვლილი. ამ დიეტას "ანგელოზების დიეტას" ეძახიან. ამ დიეტაში ძირითადი 7 დღე არის, შემდეგი 6 დღე კი უნდა გაიმეოროთ ნებისმიერი თანამიმდევრობით.
3 დღის განმავლობაში უნდა მთლიანად გამოირიცხოს მარილი, შაქარი და ალკოჰოლი.
სალათები უნდა შეაზავოთ ზეითუნის ზეთით(შეგიძლიათ ჩვეულებრივი ზეთიც გამოიყენოთ) და ლიმონის წვენით. პომიდორი შეგიძლიათ შეცვალოთ სტაფილოთი და პირიქით.
ყავა შეგიძლიათ შეცვალოთ მწვანე ან შავი ჩაით. ხორცი სასურველია იყოს ქათმის ფილე. დიეტას შეუთავსეთ ფიზიკური ვარჯიში და მასაჟი.
დიეტის პირველი დღე: საუზმე – უშაქრო ყავა ან ჩაი, სადილი – 2 მოხარშული კვერცხი + პომიდორი, ვახშამი – მოხარშული საქონლის ხორცის ან ქათმის ფილე.
დიეტის მეორე დღე: საუზმე – უშაქრო ყავა და ტოსტის პურის ერთი ნაჭერი, სადილი – გრილზე შემწვარი ძროხის ხორცი + პომიდორი + მწვანე სალათის ფურცლები, ვახშამი – ბოსტნეულის ან ხორცის სუპი კარტოფილის გარეშე.
მესამე დღე: საუზმე – უშაქრო ყავა და ტოსტის პურის ერთი ნაჭერი, სადილი – გრილზე შემწვარი ძროხის ხორცი + მწვანე სალათის ფურცლები, ვახშამი – 2 ნაჭერი უცხიმო ლორის ნაჭერი, 2 ცალი მოხარშული კვერცხი, მწვანე სალათის ფურცლები.
მეოთხე დღე: საუზმე – უშაქრო ყავა და ტოსტის პურის ერთი ნაჭერი, სადილი – მოხარშული კვერცხი, სტაფილო, ყველი, ვახშამი – ხილის სალათა ერთი ჭიქა კეფირით.
მეხუთე დღე: საუზმე – ლიმონის წვენმოსხმული მსხვილ სახეხზე გახეხილი სტაფილო, სადილი – გრილზე შემწვარი თევზი + პომიდორი, ვახშამი – უცხიმო საქონლის ხორცი + მწვანე სალათის ფურცლები.
მეექვსე დღე: საუზმე – უშაქრო ჩაი, სადილი – შემწვარი ქათამი (ტაფაზე შეწვის დროს ცხიმი არ დაასხათ) + მწვანე სალათის ფურცლები, ვახშამი – უცხიმო საქონლის ხორცი + მწვანე სალათის ფურცლები.
მეშვიდე დღე: საუზმე – უშაქრო ჩაი, სადილი – საქონლის მჭლე ხორცი + მწვანე ჩაი, ვახშამი _ ნებისმიერი არატკბილი კერძი.
მერვე დღიდან უნდა გაიმეოროთ პირველი ექვსი დღის მენიუ ნებისმიერი თანამიმდევრობით. ეს არის ცილოვანი დიეტა და ორგანიზმი შეინარჩუნებს სიმკვრივეს გახდომის შემთხვევაში და თანაც შიმშილის გრძნობაც არ შეგაწუხებთ.
გისურვებთ წარმატებებს!
წყარო: intermedia.ge