ქათმის ხორცის სალათი სიმინდის მარცვლებით

შემოგთავაზებთ ქათმის თეთრი ხორცისგან მომზადებულ რეცეპტს, რომელიც საკმაოდ მსუბუქი და ნოყიერია, თავისუფლად შეგიძლიათ მიირთვათ ვახშამზე.



* 3 ცალი მაგრად მოხარშული კვერცხი;
* 1 კონა სალათის ფოთოლი;
* 5-8 პატარა პომიდორი;
* 100 გრ სიმინდის მარცვლის კონსერვი;
* 200გრ ქათმის თეთრი ხორცი;
* 4 ნაჭერი თეთრი პური;
* 2ს/კ ზეთი;
* 50მლ ბულიონი;
* 2ს/კ იოგურტი და ზეითუნის ზეთი;
* 1ს/კ თეთრი ღვინის ძმარი;
* 1ჩ/კ გამხმარი ბალახი(პიტნა ან რეჰანი);





სალათის ფოთლები გავრეცხოთ გავაშროთ და დავჭრათ. პომიდორები დავჭრათ 6 ნაწილებად. სიმინდს გადავუწუროთ წვენი.
ქათმის ფილე დავჭრათ კუბიკებად და შევბრაწოთ ზეთში. პური დავჭრათ კუბიკებად და შევბრაწოთ ესეც ზეთში.
ზეთში ჩავყაროთ გამხმარი სანელები.

შებრაწული სუხარები დავყაროთ სალფეტკზე, რომ ზედმეტი ცხიმი სალფეტკმა შეიწოვოს.
შესანელებლად ცოტათი შევათბოთ ბულიონი, დავუმატოთ იოგურტი, ზეითუნის ზეთი და ძმარი, მარილი, წიწაკა.

სალათის ფოთლები, ქათმის ფილე, პომიდორი და სიმინდი ავურიოთ და დავასხათ იოგურტის საკამაზი.
კვერცხი გავჭრათ 4 ნაწილად და დავალაგოთ სალათზე. ხოლო ზემოდან მოვაყაროთ სუხარები.

წყარო: mary.ge