წასახემსებელი ტორტი
მოსამზადებლად დაგჭირდებათ:
ცომისთვის:
* კარაქი (175-200)გრ.
* ფქვილი – 2,5 ჭიქა.
* არაჟანი – 1 ჭიქა.
* კვერცხი -1 ც.
* შაქარი – 1 ს,კ.
* სოდა – 1/2 ჩ.კ.
შიგთავსისთვის დაგჭირდებათ:
* დაკონსერვებული ღურკანა (გარბუშა) – 1 ქილა.
* ყველი – 100 გრ.
* კვერცხი – 4 ც.
* მაიონეზი – 6-7 ს.კ.
მომზდების წესი:
თავდაპირველად, ცომისთვის გახეხეთ გაყინული კარაქი, დააყარეთ ფქვილი, დაუმატეთ არაჟანი, კვერცხი, შაქარი, სოდა და სწრაფად გადაზილეთ. ცომი გაყავით 4 თანაბარ ნაწილად. თითოეული ცომის გუნდა გააბრტყელეთ თხლად და დაჩხვლიტეთ ჩანგლით. გამოაცხეთ 200°С-ზე, 5-10 წუთის განმავლობაში.
ჰაერღუმელიდან გამოღებისთანავე ჩამოაჭერით კიდეები და დაფხვენით. მოამზადეთ სამი სხვადასხვა შიგთავსი. პირველისთვის, გახეხეთ ყველი, დაუმატეთ 2 სუფრის კოვზი მაიონეზი და კარგად ამოურიეთ. მეორესთვის, დაკონსერვებული ღურკანა დაშალეთ და თავისივე წვენში აურიეთ.
მესამესთვის, გახეხეთ მოხარშული კვერცხი, დაუმატეთ 2 სუფრის კოვზი მაიონეზი და ამოურიეთ. პირველ ორცხობილას გადაუსვით ყველიანი შიგთავსი და ფრთხილად დააფინეთ მეორე ორცხობილა. მეორეს გადაუსვით დაქუცმაცებული თევზის ნაზავი და დააფინეთ მესამე ორცხობილა. მას გადაუსვით გახეხილი კვერცხის და მაიონეზის ნაზავი.
დააფარეთ მეოთხე ორცხობილა. დარჩენილი მაიონეზი გადაუსვით ზემოდან და გვერდებზე. მოაყარეთ დაფხვნილი ორცხობილა. რამდენიმე საათით შედგით მაცივარში, ხოლო სუფრაზე გატანის წინ დაჭერით პატარა ნაჭრებად. სურვილის შემთხვევაში შეგიძლიათ შიგთავსში დაუმატოთ ხახვი ან ნიორი.
ულუფების რაოდენობა: 10