ინგრედიენტები:
350 გრამი ფქვილი
1/4 ჩ.კ. მარილი
5 ს.კ. თეთრი შაქარი
230 გ. ცივი კარაქი
შიგთავსისთვის:
120 მლ. ნებისმიერი ხილის ჯემი
1 კვერცხის გული+ 1 ჩ.კ. რძე
შაქრის პუდრა
მომზადების წესი:
ჩართეთ ღუმელი 175 გრადუს ტემპერატურაზე.
აიღეთ თქვენი მიქსერის ჯამი და ერთმანეთს აურიეთ ფქვილი, შაქარი და მარილი, ამისათვის მხოლოდ კოვზი გამოიყენეთ. დაამატეთ კუბებად დაჭრილი კარაქი. ურიეთ მანამ, სანამ მასა შედარებით ერთგვაროვანი არ გახდება და კარაქი კარგად არ გალღვება.
ნელ-ნელა დაამატეთ 60 მლ./ წყალი, რათა მიღებული მასა კარგად შეიკრას და ცომის ფორმა ჰქონდეს. ეს აუცილებელი პროცედურაა, თუ ატყობთ, რომ წყალი საკმარისი არ არის, მცირე რაოდენობით შეგიძლიათ კიდევ დაამატოთ.
ურიეთ დაახლოებით 30 წამის მანძილზე.
გაახვიეთ მიღებული ცომი პოლიეთილენის პარკში და დაახლოებით 20 წუთით შედგით მაცივარში.
მოფქვილულ ზედაპირზე მოათავსეთ ცომი და საშუალო სისქეზე გააბრტყელეთ. უკეთესია იყოს თხელი, ვიდრე სქელი.
აიღეთ საკონდიტრო სამზარეულოს საჭრელი, კარგი იქნება თუ მას ფიგურული ფორმა ექნება, და გაბრტყელებული ცომი დაჭერით.
ტაფაზე დააფინეთ საცხობი ქაღალდი და ფიგურულად დაჭრილი ცომი ზედ მოათავსეთ. მოათავსეთ მის შუაგულში წვრილი ჯოხი, ჯოხი ცომით მყარად ჩაამაგრეთ.
თუ გსურთ ღვეზელი ძალიან გემრიელი გამოვიდეს ჯემთან ერთად გამოიყენეთ დაჭრილი ხილიც. მოათავსეთ ორივე მათგანი ცომის შუაგულში. აიღეთ კიდევ ერთი ფიგურულად დაჭრილი ცომი და ზემოდან დაადეთ. გვერდები კარგად ჩაუმაგრეთ ისე, რომ ცხობის დროს არ გაიხსნას და შიგთავსი არ გამოვიდეს.
ერთმანეთს აურიეთ რძე და კვერცხის გული და თითოეულ ასეთ ლოლიპოპს ზემოდან წაუსვით. დანის წვერი კი ზემოდან სამჯერ დაუსვით.
შედგით ღუმელში და 175 გრადუსზე 20-25 წუთით გამოაცხვეთ. სანამ კარგად არ გაყავისფრდება.
წყარო