ღორის ხორცი- 1 კგ.
ლორი- 250 გრ.
ხახვი- 2-3 ცალი;
ლიმონის წვენი- 1/2;
წყალი- 100 მლ.
მარილი, პილპილი, ქინძი, სუნელები- გემოვნებით.
მომზადების წესი:
ხორცი გარეცხეთ და დაჭერით საშუალო ზომაზე, დაუმატეთ მარილი, პილპილი, სუნელები და ლიმონის წვენი. ხახვი დაჭერით რგოლებად, დაუმატეთ ხორცის ნაჭრებს, წყალი და დატოვეთ ნახევარი საათი.
ლორი დაჭერით გრძელ და თხელ ნაჭრებად. ხორცი და ლორი მონაცვლეობით გააკეთეთ ხის ჩხირებზე.
3 ლიტრიან ქილებში ჩაყარეთ დარჩენილი ხახვი და მოათავსეთ ხის ჩხირზე გაკეთებული ხორცი (ყოველ ქილაში 4-5 ჩხირი). ქილას დააფარეთ ფოლგა.
მნიშვნელოვანია: ქილა გარედან უნდა იყოს სრულიად მშრალი. გამზადებული ხორციანი ქილები მოათავსეთ ცივ აირღუმელში (რათა ქილა არ გასკდეს), ხოლო შემდეგ აირღუმელი გააცხელეთ 180- 200 გრადუსზე 60-80 წუთის განმავლობაში.
გამორთეთ აირღუმელი, მაგრამ კარი არ გახსნათ, სანამ ქილები ცოტა არ გაგრილდება, ხოლო შემდეგ ფრთხილად გახსენით ის, რათა ტემპერატურის სხვაობისას ქილა არ გასკდეს.
უგემრიელესი და ნოყიერი მწვადები მზად არის.
გემრიელად მიირთვით!
www.cnn.ge