მანანა აბაშიძე
სოფი ლორენი ერთ-ერთი იმ ქალბატონთაგანია, რომელთაც წილად არამარტო ნიჭიერება არამედ, უჭკნობი სილამაზეც ხვდათ. გთავაზობთ მისი მარადიული ახალგაზრდობის 7 საიდუმლოს რომლებიც მას თავად არაერთხელ გაუმხელია მსოფლიოს სხვადასხვა წამყვან მედიასაშუალებებთან საუბრისას.
საკუთარი თავის რწმენა
სოფია შიკოლონე (ასეთია მისი ნამდვილი გვარი) ღარიბ ოჯახში, ნეაპოლის მახლობლად, მეთევზეთა პატარა ქალაქში დაიბადა. ლორენის ახალგაზრდობის წლები მეორე მსოფლიო ომის შემდგომ პერიოდს დაემთხვა. ეს ის პერიოდია, როდესაც იტალიაში კინოინდუსტრია ერთ-ერთი ყველაზე უფრო პოპულარული სფერო იყო. იქ მოხვედრა ახალგაზრდა ლამაზმანმაც მოინდომა და მიზნის მისაღწევად ყველაზე სწორი გზა - სილამაზის კონკურსებში მონაწილეობა აირჩია.
სოფი ლორენმა ყოველთვის იცოდა, რომ მის გარენულ მონაცემებში მისი მომავალი წარმატებისათვის უდიდესი პოტენციალი იმალებოდა და სწორედ თავდაჯერებულობის, საკუთარი ძალების რწმენის გამო შესძლო იმ სალამაზის კონკურსებზე თავისი პოტენციალის გამოყენებაც და შესაძლებლობების რეალიზებაც.
„არაფერი ამშვენიერებს ქალს ისე, როგორც საკუთარი სილამაზის რწმენა“- წერს სოფი ლორენი თავის ავტობიოგრაფიაში.
ცხოვრების საიმედო თანამგზავრი
სოფი ლორენის სილამაზის სენარჩუნებაშიც და იმიჯის ჩამოყალიბებაშიც ყველაფერს თავისი ადგილი ჰქონდა: ზეითუნის ზეთის აბაზანებს, სპორტს, სპაგეტის, ყავის ნიღბებს და ა.შ..., მაგრამ ფაქტია, რომ ამ ყველაფერს შეიძლებოდა სრულიად უშედეგოდ ჩაევლო რომ არა ერთი ადამიანის შრომა - ეს იყო მისი მეუღლე, ლეგენდარული პროდიუსერი, კარლო პონტი. შემოქმედი, რომელმაც სოფია შიკოლონესგან ლეგენდარული ლამაზმანი და ბრწყინვალე მსახიობი, სოფი ლორენი შექმნა.
კარლო პონტი სოფი ლორენზე 22 წლით უფროსი იყო. მან, სოფია შიკოლონეს გაცნობისთანავე დაიწყო სოფი ლორენის შექმნა. მაგალითად, საყოველთაოდ ცნობილია ისტორია იმის შესახებ, თუ როგორ ასწავლიდა პონტი ახალგაზრდა სოფია შიკოლონეს სოფი ლორენის სიარულის იმ მანერას რომლითაც მან მსოფლიოს მამაკაცთა უდიდესი ნაწილი დაიპყრო...
კარლო პონტიმ ერთმანეთის პირისპირ დადგა კარადები გამოწეული უჯრებით, რომელთა შორისაც ვიწრო გასასვლელი დატოვა. ის აიძულებდა სოფის, რომ ამ ვიწრო გასასვლელში გაევლო და გავლისას, თეძოების მოძრაობით დაეხურა გამოწეული უჯრები. ასე მეორდებოდა ისევ და ისევ - საათების განმავლობაში. შედეგად, სოფია შიკოლონემ ისწავლა სოფი ლორენის სიარულის ყველასათვის კარგად ცნობილი მანერა რომელიც დღესაც კი, მსოფლიოს არც ერთ მამაკაცს არ ტოვებს გულგრილს.
სწორედ საყვარელი მამაკაცი იცავდა მეუღლის განსხვავებულ, ორიგინალურ სილამაზეს, როდესაც სხვა პროდიუსერები მოითხოვდნენ, რომ სოფის „ზედმეტი კილოგრამები დაეკლო“ ან, „რამე მოეხერხებინა ამ უზარმაზარი ცხვირისთვის“.
„ის თავად სრულყოფილებაა; საუკეთესოა ქალთაგან, რომელნიც ოდესმე დაბადებულან იტალიის მიწაზე“ - პასუხობდა პონტი და პირველივე ფილმების გამოსვლისთანავე, შეყვარებული მამაკაცის ამ მოსაზრებას სოფი ლორენის მილიონობით თაყვანისმცემლები უყოყმანოდ დაეთანხმნენ.
სოფი ლორენმა და კარლო პონტიმ მთელი ცხოვრება ერთად გაატარეს.
„კარლო ერთადერთი მამაკაცი იყო ვინც კი ოდესმე მყვარებია. სხვა, არ მჭირდება“-თქვა სოფი ლორენმა 2007 წელს კარლო პონტის გარდაცვალების შემდეგ.
რეგულარული მოვლა
სოფი ლორენის ერთ-ერთი მთავარი რჩევა ასეთია: „რეგულარული მოვლის შემთხვევაში, თვით ყველაზე უფრო უშნო ქალიც კი შეიძლება გალამაზდეს, მაგრამ მოუვლელობის გამო, ასაკთან ერთად შეიძლება დაკარგოთ ყველაფერი თუკი რამ კარგი გიბოძათ ბუნებამ“.
ჯანსაღი და სრულფასოვანი ძილი
იშვიათი გამონაკლისების გარდა, მსახიობი ყოველთვის ერთი და იგივე დროს, საღამოს 9 საათზე იძინებს და საგანგებოდ აქცევს ყურადღებას, რომ საძინებელ ოთახში ყოველთვის ერთი და იგივე ტემპერატურა, 20 გრადუსი იყოს.
მთავარია თვალები
„მთავარია თვალები“ - მიიჩნევს სოფი ლორენი და მიუხედავად მოდის მიერ ნაკარნახები ტენდენციისა, აქცენტს ყოველთვის თვალებზე აკეთებს. სახის კანის ფერი ტონალური, ატმისფერი რუჟი და ტუჩის საცხის რბილი, არამკვეთრი ტონები... და შავი ფანქრით მუქად შემოხაზული თვალები.
თმის სიჯანსაღე
სოფი ლორენის აზრით, თმა არამარტო ლამაზად უნდა იყოს დავარცხნილი არამედ, ჯანსაღარდ, კარგად მოვლილადაც უნდა გაოიყურებოდეს. „ თმის ვარცხნილობა განაპირობებს არამარტო იმას თუ როგორი იქნება თქვენი ერთი რომელიმე დღე არამედ ხანდახან, მთელ ცხოვრებასაც კი“ - ხშირად იმეორებს სოფი ლორენი.
თმის ბზინვარებასა და სიჯანსაღეს, ამ ასაკშიც კი, ლეგენდარული მსახიობი ზეითუნის ზეთის თბილი ნიღბებით ინარჩუნებს.
სწორად შერჩეული ტანსაცმელი
ამ შემთხვევაში, სოფი ლორენის აზრით, აუცილებელი არ არის გეცვას ულტრა-მოდური, აუცილებლად ბოლო კოლექციებიდან სეძენილი ტანსაცმელი. მთავარია, ზუსტად იცოდე საკუთარი გარეგნობის უარყოფითი და დადებითი მხარეები, რათა დამალო პირველი და ხაზი გაუსვა მეორეს.
ასევე აუცილებელია, გქონდეს საკუტარი სტილი: იპოვო ის, რაც შენს ერთგვარ სავიზიტო ბარათად იქცევა. ლორენისთვის ასეთი იყო ქალური სილუეტი და ღრმა დეკოლტეები.
წყარო: presa.ge
სოფი ლორენის მარადიული სილამაზის 7 საიდუმლო
⏱️ 1 წთ.
👁️ 5 511
100%