დიეტების ისტორია

საინტერესო ფაქტები


უხსოვარი დროიდან
ექიმების რეკომენდაციებით გაწამებული ერთი რუსი პოეტი ჩიოდა, ვიდრე დიეტებს მოიგონებდნენ, საწუთრო უფრო გრძელი იყოო, მაგრამ თუ ისტორიას დავუჯერებთ, ასეთი ბედნიერი ხანა კაცობრიობას საერთოდ არ ჰქონია.
დიეტა ბერძნულად ცხოვრების წესს ნიშნავს, თუმცა კარგა ხანია, ამ სიტყვას ასე ფართო მნიშვნელობით აღარ ვიყენებთ – მისი წარმოთქმისას კონკრეტულად რაციონს, კვების რეჟიმს ვგულისხმობთ. თავისებურ დიეტას – მართალია, გაუაზრებლად, მაგრამ მაინც – პირველყოფილი ადამიანებიც იცავდნენ – უბრალოდ, იმას ჭამდნენ, რასაც მოიხელთებდნენ. მათი რაციონი მრავალი თანამედროვე დიეტოლოგის ოცნებაა: უამრავი კენკრა და ძირხვენა, ცოტა ხორცი და არავითარი შემწვარ-მოხრაკული, შესაბამისად, ნაკლები ქოლესტეროლი და ბევრზე ბევრი უჯრედისი... ზოგიერთი პროდუქტის შეგნებული არჩევანი, სხვებზე კი უარის თქმა, შეიძლება ითქვას, ცივილიზაციის მონაპოვარია – მასთან ერთად ვისწავლეთ.
dietebis istoria uxsovari droidan

სასიამოვნო და სასარგებლო მსხვერპლშეწირვა (დიეტოლოგია)

ახალგაზრდობის ელექსირი


არსებობს დიეტა, რომელსაც ცოტა არ იყოს უცნაური სახელწოდება აქვს: გეროპროტექტორული დიეტა, – და ის, როგორც მისი შემქმნელები გვარწმუნებენ, კალორიებთან ერთად წლებსაც აქრობს.
შეიძლება, ოდნავ ვაჭარბებდეთ, მაგრამ ფაქტია, რომ დიეტოლოგებმა მართლაც შეიმუშავეს კვების მეთოდიკა, რომელიც ორგანიზმს დაბერებისგან იცავს და სიცოცხლეს ახანგრძლივებს. თქვენ წარმოიდგინეთ, ამისთვის არავითარი ჯადოსნობა არ არის საჭირო. მარადიული ახალგაზრდობის საიდუმლო მარტივზე მარტივია: მიირთვით დაბალკალორიული და ამავე დროს სასარგებლო პროდუქტები. ეს არც ისე რთულია, თუმცა გარკვეულ ცოდნას მაინც მოითხოვს.
sasiamovno da sasargeblo dietebi axalgazrdobis eleqsiri rdze da marcvleuli dietebi

ნაოჭების საწინააღმდეგო დიეტა (დიეტოლოგია)

სახის კანი ერთგვარი სარკეა იმისა, რამდენად მშვიდ ან მღელვარე ცხოვრებას ეწევი, რამდენად სუფთა ჰაერით სუნთქავ და რაც მთავარია, რამდენად ჯანსაღად იკვებები.
უფლებას ვიტოვებთ, მხოლოდ უკანასკნელი პუნქტის გამოსწორებაში დაგეხმაროთ.

ექიმები (უმთავრესად – დერმატოლოგები და დიეტოლოგები) მიიჩნევენ, რომ ნაოჭების პირველი მტერი ის საკვებია, რომლებიც ანტიოქსიდანტებით (C, E და A ვიტამინებით, სელენითა და ომეგა-3-ით) არის მდიდარი. ამჯერად თქვენ და თქვენს მშვენიერ კანს სწორედ სამდღიან ანტიოქსიდანტურ დიეტას გთავაზობთ.
გაითვალისწინეთ: დიეტა ბრიტანულია და, შესაბამისად, ბრიტანელების გასტრონომიულ მოთხოვნილებათა მიხედვით არის შედგენილი: ჯერ – საუზმე, შემდეგ – ლანჩი, ნაშუადღევს – წახემსება და ბოლოს (დაახლოებით 7 საათისთვის) – სადილი.
naochebis sawinaagmdego dietebi

მოდური დიეტა ჭირვეული ქალბატონებისთვის (დიეტოლოგია)

ჭირვეული ქალბატონი მხოლოდ სილამაზის სტანდარტებს კი არ გვიწესებს, მათი მიღწევის გზებსაც თვითონვე არჩევს. გახდომის მანია დროდადრო ეპიდემიასავით მოედება ხოლმე საზოგადოებას. ჩვენც გადავწყვიტეთ, პოპულარული დიეტები შეგვეფასებინა, ოღონდ – ჯანმრთელობასა და საღ აზრთან დამოკიდებულების თვალსაზრისით.
moduri dietebi chirveuli qalebistvis dietologia medicina

საზამთროს დიეტა... არა მარტო გასახდომი! (დიეტოლოგია)

საზამთროს დიეტა არა მარტო გასახდომი, არამედ ორგანიზმის გაწმენდის საშუალებაა.

საზამთრო კარგი საშუალებაა ჰიპერტონიის, ნეფრიტის, პოდაგრის (ნიკრისის ქარი), ღვიძლისა და სანაღვლე გზების დაავადებების და სიმსუქნის დროს: რეკომენდებულია დღეში 300–400 გრამი საზამთროს რბილობის მიღება.
sazamtros dieta aramarto gasaxdomia organizmis gamwmrndia dietologia medicina

ჯანმრთელობის გასაუმჯობესებლი დიეტა (დიეტოლოგია)

სპეციალისტები ჯანმრთელობის გასაუმჯობესებლად დიეტას გვთავაზობენ, რომელიც, მათი მტკიცებით, სასურველია რომ თვეში ერთხელ დავიცვათ.

ორშაბათი: ბოსტნეული (სასურველია კიტრი) და უგაზო მინერალური წყალი.
სამშაბათი: ფორთოხალი. ოთხშაბათი: კენკრის ერთი სახეობა.
ხუთშაბათი: რძის პროდუქტები, მაგალითად, კეფირი.
პარასკევი: მთელი დღის განმავლობაში მივირთვათ ყაბაყი, დავაყოლოთ მინერალური წყალი.
შაბათი: ხილი და კენკრა. მაგალითად, დილით და ლანჩზე – თითო-თითო ვაშლი, სადილზე – საზამთროს ნაჭერი, სამხარი და ვახშამი – ორ-ორი ცალი ვაშლი.
კვირა: მთელი დღის განმავლობაში დავლიოთ ანანასის წვენი.

მომდევნო თვის ერთკვირიანი დიეტა იგივეა, მაგრამ უნდა შევცვალოთ ბოსტნეული, ხილის და წვენის სახეობები. დიეტაში არ ჩავრთოთ პროდუქტები, რომლებზეც ალერგია გვაქვს.
janmrtelobis gasaumjobesebeli dieta dietologia

ხაჭო - საუკეთესო საკვები (დიეტოლოგია)

ხაჭო ყველასათვის სასარგებლოა. მისი ცილა შეიცავს შეუცვლელ ამინომჟავებს - მეთიონინს, ტრიპტოფანს, ლიზინსა და ქოლინს, რომლებიც აუცილებელია ნერვული სისტემისა და საჭმლის მომნელებელი ორგანოების ნორმალური მუშაობისთვის. ხელს უწყობს ორგანიზმიდან ქოლესტერინის და ზედმეტი სითხის გამოდევნას, აფერხებენ ათეროსკლეროზის განვითარებას.

ხაჭო შეიცავს მინერალურ ნივთიერებებს, მათ შორის ფოსფორსა და კალციუმს, ა, ბე1 და ბე2 ვიტამინებს, ნახშირწყლებს, მაგნიუმს, კალციუმს, რკინას, ცხიმს.

კალციუმი ამაგრებს ძვლებს, კბილებსა და გულის კუნთებს, რკინა და B ჯგუფის ვიტამინები ხელს უშლის სისხლში ქოლესტერინის დონის მომატებას. სასურველია კვირაში 2-3-ჯერ 100 გ ხაჭოს მიღება. წონაში დასაკლებად, დიეტოლოგები დიეტაში ითვალისწინებენ უცხიმო ხაჭოს (100 გ ხაჭო სულ 86 კკალ-იაა).
xacho sauketeso sasargeblo sakvebia

საზამთროს დიეტა (დიეტოლოგია)

შხაპი ორგანიზმს გარედან წმენდს,ხოლო ტკბილი და წყლიანი საზამთრო შიგნიდან.საზამთრო შარდგამომყოფ გზებს ,თირკმლებსა და მთლიანად ორგანიზმს ეფექტურად წმენდს.მოაწყვეთ საზამთროს დღე,ერთი ან რამდენიმე, მაგრამ არაუმეტეს ერთი კვირისა.უმჯობესია გაწმენდა დასვენების დღეებში ჩაიტაროთ.

ამ კენკრას მეტად ძლიერი შარდმდენი მოქმედება აქვს.საზამთროს დიეტით ერთდროულად ხდება წონაში კლებაც,შლაკებისა და მარილების გამოდევნაც,სისხლში ქოლესტერინის დონის შემცირება.

შედეგი შთამბეჭდავია:შეშუპება და მაღალი წნევა ქრება,სახსრების მდგომარეობა საგრძნობლად უმჯობესდება,მთელ სხეულში სიმსუბუქე და აქტივობის მომატება შეიგრძნობა. საზამთროს დღეები თქვენი ორგანიზმისთვის ნაკლებად დაძაბული იქნება,თუ მის წინ რამოდენიმე დღით ადრე, ვეგეტარიანულ დიეტაზე გადახვალთ.შეგიძლიათ მარტო საზამთრო ან საზამთრო შავ პურთან ერთად მიირთვათ.
sazamtros dieta dietologia

იმისათვის რომ დიეტა ეფექტური იყოს...(დიეტოლოგია)

ისეც ხდება ხოლმე, რომ, გახდომის სურვილით, ხშირად თითქმის ვშიმშილობთ, ამა თუ იმ დიეტას ზუსტად ვიცავთ, მაგრამ წონაში დაკლება გვიჭირს და პესიმიზმში ვვარდებით. იმედს ვკარგავთ, რომ ოდესმე მივაღწევთ სასურველ წონას – გავხდებით ნაზი და მოხდენილი.

რა ხდება? თუკი ამავე დიეტით სხვამ კარგა ბლომად კილოგრამები მოიშორა, ჩვენ რა გვემართება?

არაფერი განსაკუთრებული. უბრალოდ, თქვენი ცხიმოვანი უჯრედები უფრო ნელა იშლება. ამიტომ, საჭიროა მოთმინება და, ცხადია, დახმარების გაწევა. ანუ, უნდა დაეხმაროთ დიეტას, თუ გსურთ, რომ შედეგი უფრო მალე იხილოთ.
imisatvis rom dieta efeqturi iyos sachiroa abazanebi aromaterapia

ტკბილი წიწაკა - ვიტამინების ბუნებრივი „პრეპარატი“ (დიეტოლოგია)

ეს არაჩვეულებრივი პოლივიტამინების პრეპარატი თვითონ ბუნებამ შექმნა. საკვებში მისი მეტ-ნაკლებად რეგულარული გამოყენება ხელს უწყობს თმის ძირებისა და ფრჩხილების გამაგრებას, მოზარდებში - ფერისმჭამელების გაქრობას. გაციების დროს გამოიყენება, როგორც პროფილაქტიკური საშუალება.

ტკბილი წიწაკა დიდი რაოდენობით შეიცავს ასკორბინის მჟავას (1-2 წიწაკაში მისი დღიური ნორმაა), თუმცა ცე ვიტამინის ლომის წილი უშუალოდ ნაყოფის ყუნწის სიახლოვესაა. ამიტომ ყუნწისა და თესლებისაგან გათავისუფლების დროს დიდი ნაწილი არ მოაჭრათ. ტკბილი წიწაკა ასევე მდიდარია P ვიტამინით, რომელიც ასკორბინის მჟავასთან ერთად კაპილარებს ამაგრებს და სისხლძარღვების კედლების ელასტიკურობას ზრდის.

წიწაკაში უხვადაა კაროტინი (წითელ ნაყოფში სამჯერ მეტია, ვიდრე მწვანეში). ის ასევე შეიცავს გლუკოზას, ფრუქტოზას, საქაროზას, ცილებს, ცხიმებს, B ჯგუფის ვიტამინებს, კალიუმს, კალციუმს, ნატრიუმს, რკინას, ფოსფორსა და სხვა სასარგებლო ნივთიერებებს
tkbili wiwaka vitaminebit savsea dietologia


Âñ¸ íåîáõîäìîå äëÿ äâèæêà DLE